தாராபுரம் சட்டப்பேரவைத் தொகுதியில் போட்டியிடும் த.வெ.க. வேட்பாளர் சத்யபாமாவை ஆதரித்து முதலமைச்சர் விஜய் நேற்று (04.10.2026) ரோடு ஷோ மேற்கொண்டு தீவிர வாக்கு சேகரிப்பில் ஈடுபட்டார். இந்த ரோடு ஷோவின் ஒரு பகுதியாக முதலமைச்சர் விஜய் மாட்டு வண்டியில் ஏறி வாக்கு சேகரிப்பில் ஈடுபட்டார். அப்போது பச்சை துண்டு அணிந்தபடி மாட்டு வண்டியில் பயணித்த அவரை, தொண்டர்கள் மற்றும் பொதுமக்கள் ஆரவாரத்துடன் வரவேற்றனர்.
இந்நிலையில், குண்டடம் அருகே உள்ள பொட்டிக்காம்பாளையம் பகுதியில் அதிமுக பொறுப்பாளராக இருந்த அசோக் என்பவரே, முதலமைச்சர் விஜய்க்கு மாட்டு வண்டி ஓட்டியதாகவும் தெரிவிக்கப்பட்டுள்ளது. மேலும், முதலமைச்சர் விஜய்க்காக மாட்டு வண்டியை ஓட்டியவர் காவல் துறையால் தேடப்படும் குற்றவாளி என அதிமுக தரப்பில் குற்றச்சாட்டு முன்வைக்கப்பட்டுள்ளது. அதோடு காவல் துறையால் தேடப்பட்டு வரும் நபர் ஒருவர் முதலமைச்சருக்கு மாட்டு வண்டி ஓட்டியிருப்பதாக அதிமுக தரப்பில் தெரிவிக்கப்பட்டுள்ளது.
இதனைச் சுட்டிக்காட்டி, “இதுதான் தூய சக்தியா?” என முதலமைச்சர் விஜய்க்கு அதிமுக கேள்வி எழுப்பியுள்ளது. மேலும், தாராபுரம் தொகுதியில் அதிமுக நிர்வாகிகளை தவெகவில் சேருமாறு அமைச்சரால் மிரட்டப்பட்டதாகவும் அதிமுக தரப்பில் பரபரப்பு குற்றச்சாட்டுகளை முன்வைத்துள்ளது. அதோடு மாட்டு வண்டியை ஓட்டியவர் சில நாட்களுக்கு முன்பு அதிமுகவில் இருந்து மிரட்டி தவெகவில் சேர்க்கப்பட்டதாகவும் அதிமுக தரப்பில் கூறப்பட்டுள்ளது.
Leave a Reply