Add as a preferred source on Google 
ഫയൽചിത്രം∙ മനോരമ
കൊച്ചി ∙ നഗരത്തിൽ വീണ്ടും ഭീതി വിതച്ച് സ്വകാര്യ ബസ് ജീവനക്കാർ. തുടരെ ഹോൺ മുഴക്കി പിന്നിലൂടെ പാഞ്ഞെത്തിയ ബസ് ഇരുചക്രവാഹന യാത്രികരെ ഇടിച്ചിട്ടു. ബൈക്കോടിച്ചിരുന്ന യുവാവു ജീവനോടെ രക്ഷപ്പെട്ടതു തലനാരിഴയ്ക്ക്. ബസ് ജീവനക്കാരുടെ പെരുമാറ്റം ചോദ്യം ചെയ്ത യുവാവിനെ നെഞ്ചിനിടിച്ചു നിലത്തിടുകയും റോഡരികിലായി പാർക്ക് ചെയ്തിരുന്ന ബൈക്കിൽ വീണ്ടും പലതവണ ബസിടിപ്പിക്കുകയും ചെയ്തതായി പരാതി. യുവാവു പരാതി നൽകിയെങ്കിലും ബസുകാർക്കെതിരെ കേസെടുക്കാൻ പൊലീസ് തയാറായില്ലെന്നും യുവാവിനെതിരെ കേസെടുത്തതായും പരാതി. വ്യാജ കേസ് ഒഴിവാക്കാൻ ബസ് ജീവനക്കാർ 30,000 രൂപ യുവാവിനോട് ആവശ്യപ്പെട്ടെന്നും പരാതിയുണ്ട്.
ഇടപ്പള്ളിയിൽ ബൈക്ക് തട്ടിവീഴ്ത്തിയ ശേഷം നിർത്താതെ പോയ സ്വകാര്യ ബസ് തടയുന്ന യുവതി
ഇന്നലെ രാവിലെ 9.30ന് ഫോർട്ട്കൊച്ചിയിലേക്കു വരികയായിരുന്ന മുഹമ്മദ് റിസ്വാൻ എന്ന യുവാവിനും കുടുംബസുഹൃത്തായ പെൺകുട്ടിക്കുമാണു ദുരനുഭവമുണ്ടായത്. നഗരത്തിലോടുന്ന ‘വഹ്ബിയ’ എന്ന ബസാണ് അപകടം ഉണ്ടാക്കിയത്. ഇടപ്പള്ളി മേൽപാലത്തിനു സമീപത്തു വച്ചാണു പിന്നിലൂടെ ഹോണടിച്ചെത്തിയ ബസ് യുവാക്കൾ സഞ്ചരിച്ച ബൈക്കിൽ ഇടിച്ചത്. ബൈക്കിന്റെ നിയന്ത്രണം വിട്ടെങ്കിലും യുവാവ് ഒരു വിധത്തിൽ മറിഞ്ഞു വീഴാതെ വാഹനം നിർത്തി. ബൈക്കിൽ ബസിടിച്ചതു ചോദ്യം ചെയ്യാൻ ഡ്രൈവർക്കു സമീപമെത്തിയ തന്നെ ജീവനക്കാർ നെഞ്ചിൽ ഇടിച്ചു നിലത്തിട്ടതായി റിസ്വാൻ പറയുന്നു. റോഡിൽ തലയടിച്ചാണു വീണത്. തുടർന്നു പല തവണ ബൈക്കിൽ ബസിടിപ്പിക്കുകയും ചെയ്തു. ഇതോടെ യുവതിയും യുവാവും ചേർന്നു ബസ് തടഞ്ഞിട്ടു. തുടർന്നു പൊലീസ് സ്ഥലത്തെത്തിയ ശേഷമാണ് ഇവരെ മാറ്റിയത്.
പൊലീസിൽ പരാതി നൽകിയെങ്കിലും കേസെടുത്തില്ലെന്നും ബസുകാരെ സംരക്ഷിക്കുന്ന നിലപാടാണു സ്വീകരിച്ചതെന്നും പരാതിയുണ്ട്. മർദനമേറ്റ ഭാഗത്തും തലയിലും കടുത്ത വേദന അനുഭവപ്പെട്ടതിനെ തുടർന്നു യുവാവ് ആശുപത്രിയിൽ ചികിത്സ തേടി.
English Summary:
A disturbing incident in Kochi where private bus staff allegedly attacked a youth. The incident involved reckless driving, assault, and intimidation, raising serious concerns about public safety and law enforcement’s response.
mo-news-common-latestnews mo-auto-private-bus mo-news-kerala-districts-ernakulam-kochi nfr5t4o18s9om3a49an2leeah mo-news-common-ernakulamnews 5hv0111jrbovtrlrjh7rarp79u-list 2sflerkbcal809dkf7m7b4jk2t-list mo-news-common-keralanews
Leave a Reply