ವೈಲ್ಡ್ ಕಾರ್ಡ್ ಸ್ಪರ್ಧಿಗಳ ವಿವರ
ಜೀ ಕನ್ನಡ ವಾಹಿನಿಯ ಸೂಪರ್ ಹಿಟ್ ಶೋ ‘ಹಳ್ಳಿ ಪವರ್’. ಇದರ ಮೊದಲ ಆವೃತ್ತಿ ಜೀ ಪವರ್ ವಾಹಿನಿಯಲ್ಲಿ ಪ್ರಸಾರವಾಗಿತ್ತು. ಈ ಸೀಸನ್ನ ರನ್ನರ್ ಅಪ್ ಆಗಿದ್ದರು ಘಾಟಿ ಗಾನವಿ. ಸದ್ಯ ಇವರು ಬಿಗ್ ಬಾಸ್ ಮನೆ ಪ್ರವೇಶ ಮಾಡಿದ್ದಾರೆ.
ಸೋನಿಕಾ ಗೌಡ ಅವರು ಉದಯೋನ್ಮುಖ ನಟಿ ಮತ್ತು ಉದ್ಯಮಿ. ‘ಶತಾಯ ಗತಾಯ’, ‘ನಾನೇ ರಾಜ’, ‘ಖುಷಿ ಖುಷಿಯಾಗಿ’ ಸೇರಿದಂತೆ ಕೆಲ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮಾಡಲಿಂಗ್ ಕೂಡ ಮಾಡುತ್ತಾರೆ, ಹಾಗೇ ತಮ್ಮದೇ ಆದ ಗ್ಲಾಮರ್ ಹೌಸ್ನ ಒಡತಿಯಾಗಿದ್ದಾರೆ. ಸದ್ಯ ಬಿಗ್ ಬಾಸ್ ಮನೆಗೆ ವೈಲ್ಡ್ ಕಾರ್ಡ್ ಸ್ಪರ್ಧಿಯಾಗಿದ್ದಾರೆ.
ಗಿಚ್ಚಿ-ಗಿಲಿಗಿಲಿ ಸೀಸನ್ 1, 2 ಮತ್ತು 3ರ ಭಾಗವಾಗಿದ್ದರು ಪ್ರಶಾಂತ್ ಗೌಡ. ಇವರು ‘ಟ್ಯಾಲೆಂಟೆಡ್ ಕಲಾವಿದ ಪ್ರಶಾಂತ್’ ಅಂತಲೇ ಸೋಷಿಯಲ್ ಮೀಡಿಯಾದಲ್ಲಿ ಜನಪ್ರಿಯತೆ ಪಡೆದವರು. ‘ಬಾಯ್ಸ್ ವರ್ಸಸ್ ಗರ್ಲ್ಸ್’, ‘ಕ್ವಾಟ್ಲೆ ಕಿಚನ್-ವಿನ್ನರ್’ ಹೀಗೆ ಬಹಳಷ್ಟು ರಿಯಾಲಿಟಿ ಶೋಗಳ ಭಾಗವಾಗಿದ್ದರು. ಸದ್ಯ ಬಿಗ್ ಬಾಸ್ ಮನೆ ಪ್ರವೇಶ ಮಾಡಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.
ವೇದಿಕೆ ಬರ್ತಿದ್ದಂತೆ ಹಾಲಿ ಸ್ಪರ್ಧಿಗಳಿಗೆ ಆವಾಜ್!
ಬಿಗ್ ಬಾಸ್ ಸೀಸನ್ 13ರ ಅಖಾಡಕ್ಕೆ ಈಗ ಹೊಸ ವೈಲ್ಡ್ ಕಾರ್ಡ್ ಎಂಟ್ರಿ ನೀಡುವ ಮೂಲಕ ಶೋ ಮತ್ತಷ್ಟು ಕಾವೇರಿದೆ. ವೇದಿಕೆಯ ಮೇಲೆ ನಿರೂಪಕ ಕಿಚ್ಚ ಸುದೀಪ್ ಅವರು ವೈಲ್ಡ್ ಕಾರ್ಡ್ ಸ್ಪರ್ಧಿಗಳನ್ನ ಬರ ಮಾಡಿಕೊಂಡು ಹಳೆ ಸ್ಪರ್ಧಿಗಳ ಕಿವಿ ಹಿಂಡಿಸಿದ್ದಾರೆ.
ವೇದಿಕೆಗೆ ಆಗಮಿಸಿದ ಹೊಸ ಸ್ಪರ್ಧಿಗಳು, ಬಿಗ್ ಮನೆಯಲ್ಲಿ ಈಗಾಗಲೇ ಇರುವ ಸ್ಪರ್ಧಿಗಳ ಮುಖವಾಡವನ್ನು ಕಳಚಲು ಸಜ್ಜಾಗಿದ್ದಾರೆ. ಮನೆಗೆ ಕಾಲಿಡುವ ಮುನ್ನವೇ ಅವರು ಪ್ರತಿಯೊಬ್ಬ ಸ್ಪರ್ಧಿಯ ಆಟದ ವೈಖರಿಯನ್ನು ವಿಮರ್ಶಿಸುತ್ತಾ ನೇರ ಸವಾಲ್ ಎಸೆದಿದ್ದಾರೆ.
ಮಂಜು ಅವರ ಆಟಕ್ಕೆ ಟಕ್ಕರ್: “ಇವರನ್ನು ಕಂಡರೆ ನನಗೆ ಆಗುವುದೇ ಇಲ್ಲ, ಮಂಜು ಅವರೇ ನನ್ನ ಮೊದಲ ಟಾರ್ಗೆಟ್” ಎಂದು ಹೇಳುವ ಮೂಲಕ ಮನೆಗೆ ಹೋಗುವ ಮುನ್ನವೇ ಸ್ಪಷ್ಟ ಎಚ್ಚರಿಕೆ ನೀಡಿದ್ದಾರೆ ನಟಿ ಸೋನಿಕಾ ಗೌಡ.
ಸೌಂದರ್ಯ ಶೆಟ್ಟಿ ಶೈಲಿಗೆ ಪ್ರಶ್ನೆ: ಸೌಂದರ್ಯ ಶೆಟ್ಟಿ ಅವರ ‘ಡಾನ್’ ಶೈಲಿಯ ಬಗ್ಗೆ ಮಾತನಾಡುತ್ತಾ, “ಆ ಡಾನ್ನೆಸ್ ಈಗ ಎಲ್ಲಿದೆ?” ಎಂದು ಪ್ರಶ್ನಿಸಿದ್ದಾರೆ ಘಾಟಿ ಗಾನವಿ.
ಗಗನ್ ಮತ್ತು ಆಸಿಯಾ ಅವರಿಗೆ ಸವಾಲ್: ಗಗನ್ ಅವರ ಆರಂಭಿಕ ಅಬ್ಬರ ಹಾಗೂ ‘ರಾವಣ’ನಂತಿದ್ದ ಶಕ್ತಿ ಈಗ ಎಲ್ಲಿ ಹೋಯಿತು ಎಂದು ಕೇಳಿದರಲ್ಲದೆ, ಆಸಿಯಾ ಅವರು ಆಟದಲ್ಲಿ ಸೋತಾಗಲೆಲ್ಲ ‘ವಿಕ್ಟಿಮ್ ಕಾರ್ಡ್’ ಪ್ಲೇ ಮಾಡುತ್ತಾರೆ ಎಂದು ನೇರವಾಗಿ ಟೀಕಿಸಿದ್ದಾರೆ.ಹಾಲಿ ಸ್ಪರ್ಧಿಗಳಿಗೆ ಸಾಲು ಸಾಲು ಸವಾಲುಗಳನ್ನು ಎಸೆದಿರುವ ಈ ವೈಲ್ಡ್ ಕಾರ್ಡ್ ಸ್ಪರ್ಧಿಯ ಆಗಮನದಿಂದಾಗಿ, ಬಿಗ್ ಬಾಸ್ ಮನೆಯೊಳಗಿನ ಆಟ ಹಾಗೂ ವಾತಾವರಣ ಸಂಪೂರ್ಣವಾಗಿ ಬದಲಾಗುವುದು ಖಚಿತವಾಗಿದೆ.
ಲೇಖಕರ ಬಗ್ಗೆಪ್ರಿಯಾಂಕಾ ಜಿನಗಿಲೇಖಕರ ಪರಿಚಯ : ಪ್ರಿಯಾಂಕಾ ಜಿನಗಿ ಅವರು ಮೂಲತಃ ಬೆಳಗಾವಿ ಜಿಲ್ಲೆಯವರು. ಸದ್ಯ ಬೆಂಗಳೂರಿನಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ವಿಜಯ ಕರ್ನಾಟಕ ಡಿಜಿಟಲ್ನಲ್ಲಿ ಡಿಜಿಟಲ್ ಕಂಟೆಂಟ್ ಪ್ರೊಡ್ಯೂಸರ್ ಆಗಿದ್ದಾರೆ. ಪತ್ರಿಕೋದ್ಯಮದಲ್ಲಿ 5+ ವರ್ಷಗಳ ಅನುಭವ ಹೊಂದಿರುವ ಇವರು ಜನವರಿ, 2026ರಿಂದ ವಿಜಯ ಕರ್ನಾಟಕ ಡಿಜಿಟಲ್ನಲ್ಲಿ (ಟೈಮ್ಸ್ ಇಂಟರ್ನೆಟ್) ಎಂಟರ್ಟೇನ್ಮೆಂಟ್ ವಿಭಾಗದ ವರದಿಗಾರಿಕೆ, ಸಂದರ್ಶನ ಮಾಡುತ್ತಿದ್ದಾರೆ. ಟಿವಿ ಲೋಕಕ್ಕೆ ಸಂಬಂಧಿಸಿದ ಸುದ್ದಿಗಳು, ಲೇಖನಗಳನ್ನ ಸವಿಸ್ತಾರವಾಗಿ ಬರೆಯುತ್ತಿದ್ದಾರೆ.
ಶಿಕ್ಷಣ : ಬೆಳಗಾವಿಯ ರಾಣಿ ಚನ್ನಮ್ಮ ವಿಶ್ವವಿದ್ಯಾಲಯದಿಂದ ವಾಣಿಜ್ಯ ವಿಭಾಗದಲ್ಲಿ ಪದವಿ ಪಡೆದಿದ್ದಾರೆ. ಇದೇ ವಿಶ್ವವಿದ್ಯಾಲಯದಿಂದ ಪತ್ರಿಕೋದ್ಯಮದಲ್ಲಿ ಸ್ನಾತಕೋತ್ತರ ಪದವಿ ಪಡೆದಿದ್ದಾರೆ. ಕಾಲೇಜು ದಿನಗಳಲ್ಲಿ ‘ರಾಷ್ಟ್ರೀಯ ಸೇವಾ ಯೋಜನೆ’ಯಲ್ಲಿ (NSS) ಸಕ್ರಿಯರಾಗಿದ್ದರು. ‘ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್’ (ABVP)ನಲ್ಲಿ ಕೆಲಸ ಮಾಡಿದ್ದಾರೆ.
ಕ್ರೀಡೆ-ಮನರಂಜನೆ : ಶಾಲೆ-ಕಾಲೇಜು ದಿನಗಳಿಂದಲೂ ಕ್ರೀಡೆಯಲ್ಲಿ ಆಸಕ್ತಿ ಹೊಂದಿದ್ದಾರೆ. ಕಬಡ್ಡಿ, ವಾಲಿಬಾಲ್ನಲ್ಲಿ ಪ್ರಶಸ್ತಿ ಪಡೆದಿದ್ದಾರೆ. 2026ರಲ್ಲಿ ನಡೆದ ‘ವುಮನ್ಸ್ ಸೆಲೆಬ್ರಿಟಿ ಥ್ರೋ ಬಾಲ್ ಮತ್ತು ಕ್ರಿಕೆಟ್‘ನಲ್ಲಿ (WTC UTSAVA-2026) ಭಾಗಿಯಾಗಿದ್ದರು.
ಅಭಿನಯದಲ್ಲಿ ಆಸಕ್ತಿ ಹೊಂದಿರುವ ಪ್ರಿಯಾಂಕಾ ಜಿನಗಿ ಅವರು, 2025-2026ರಲ್ಲಿ ಎರಡು ಶಾರ್ಟ್ ಫಿಲ್ಮ್ನಲ್ಲಿ ಅಭಿನಯಿಸಿದ್ದಾರೆ. ಹಾಗೆ ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಪ್ರಸಾರವಾಗುವ ‘ಶಾಂತಂ ಪಾಪಂ’ ಕ್ರೈಮ್ ಸೀರೀಸ್ನ ಸಂಚಿಕೆಯೊಂದರಲ್ಲಿ ಇನ್ವೆಸ್ಟಿಗೇಶನ್ ಪೊಲೀಸ್ ಆಫೀಸರ್ ಆಗಿ ಪಾತ್ರ ನಿರ್ವಹಿಸಿದ್ದರು. ನಾಟಕಗಳಲ್ಲೂ ಆಸಕ್ತಿ ಹೊಂದಿರುವು ಇವರು, ಕಾಲೇಜು ದಿನಗಳಲ್ಲಿ ರೈತನ ಕಷ್ಟಗಳ ಕುರಿತು ನಾಟಕ (ರೈತ ಮಹಿಳೆ), ಮಹಿಳೆಯರ ಮೇಲೆ ಆಗುತ್ತಿರುವ ದೌರ್ಜನದ ಕುರಿತು (ಮೈಮ್ ಆಕ್ಟ್) ಮಾಡಿ ಸೈ ಎನಿಸಿಕೊಂಡಿದ್ದಾರೆ. ವೃತ್ತಿ ಜೀವನದ ಆರಂಭದ ನಂತರ ಹವ್ಯಾಸಿ ರಂಗಭೂಮಿಯಲ್ಲೂ ಸಕ್ರಿಯರಾಗಿದ್ದಾರೆ. ಮೈಸೂರು ದಸರಾದಲ್ಲಿ ಪ್ರದರ್ಶಿಸಲಾದ ‘ಅಶ್ವತ್ಥಾಮನ್’ ನಾಟಕದಲ್ಲಿ ಅಭಿನಯಿಸಿದ್ದಾರೆ. ಇದು ಖ್ಯಾತ ರಂಗಮಂದಿರ ‘ರಂಗಶಂಕರ’ದಲ್ಲಿ ಪ್ರದರ್ಶನಗೊಂಡಿತ್ತು. ರವೀಂದ್ರ ಕಲಾಕ್ಷೇತ್ರದಲ್ಲಿ ಪ್ರದರ್ಶನಗೊಂಡ ‘ಮ್ಯಾಕ್ಬೆತ್’ ನಾಟಕದಲ್ಲಿ ಪ್ರಮುಖ ಪಾತ್ರ ‘ಲೇಡಿ ಮ್ಯಾಕ್ಬೆತ್’ಗೆ ಜೀವ ತುಂಬಿದ ಹೆಮ್ಮೆ ಇವರದ್ದು. ನೃತ್ಯದಲ್ಲೂ ಆಸಕ್ತಿ ಹೊಂದಿದ್ದಾರೆ. ಕ್ಲಾಸಿಕಲ್ ನೃತ್ಯವಾದ ‘ಕಥಕ್’ ಅಭ್ಯಾಸ ಮಾಡುತ್ತಿದ್ದಾರೆ.
ವೃತ್ತಿಜೀವನ : ಪ್ರಿಯಾಂಕಾ ಜಿನಗಿ ಅವರು, 2018ರಿಂದ ಪತ್ರಿಕೋದ್ಯಮದಲ್ಲಿ ಸಕ್ರಿಯರಾಗಿದ್ದಾರೆ. ಕಳೆದ 5+ ವರ್ಷಗಳಲ್ಲಿ ಕನ್ನಡದ ನ್ಯೂಸ್ ಚಾನೆಲ್ಗಳು ಹಾಗೂ ಡಿಜಿಟಲ್ ಮೀಡಿಯಾಗಳಲ್ಲಿ ಟಿವಿ ವರದಿಗಾರ್ತಿಯಾಗಿ, ನಿರೂಪಕಿಯಾಗಿ, ಪ್ರೋಗ್ರಾಮ್ ಪ್ರೊಡ್ಯೂಸರ್ ಆಗಿ ಕೆಲಸ ಮಾಡಿದ ಅನುಭವ ಇವರಿಗೆ ಇದೆ.
ವೃತ್ತಿ ಜೀವನದ ಆರಂಭದಲ್ಲಿ ‘ಟವಿ 5’ ಸುದ್ದಿ ವಾಹಿನಿಯಲ್ಲಿ ಇನ್ಟರ್ನ್ಶಿಪ್ ಮಾಡಿದ್ದಾರೆ. ನಂತರ ಬೆಳಗಾವಿಯ ಲೋಕಲ್ ಸುದ್ದಿ ವಾಹಿನಿ ‘ಇನ್ ನ್ಯೂಸ್’ನಲ್ಲಿ ಕೆಲಸ ಮಾಡಿದ್ದಾರೆ. ವಾರ್ತಾ ಇಲಾಖೆ ಬೆಳಗಾವಿಯಲ್ಲಿ ‘ವುಮನ್ ಅಪ್ರೆಂಟಿಸ್’ ಆಗಿ ಕಾರ್ಯ ನಿರ್ವಹಿಸಿದ್ದಾರೆ. ‘ವಿಶ್ವವಾಣಿ ಪತ್ರಿಕೆ’ಯಲ್ಲಿ ಸಬ್ ಎಡಿಟರ್ ಆಗಿ ಕೆಲಸ ಮಾಡಿದ್ದಾರೆ. ‘ನ್ಯೂಸ್ ಫಸ್ಟ್’ ಸುದ್ದಿ ವಾಹಿನಿಯಲ್ಲಿ (2021 – 2025) ಕಿರುತೆರೆಗೆ ಸಂಬಂಧಪಟ್ಟ ‘ಮನೆ ಮನೆ ಮೀನಾಕ್ಷಿ’ ಕಾರ್ಯಕ್ರಮದ ಪ್ರೋಗ್ರಾಮ್ ಪ್ರೊಡ್ಯೂಸರ್ ಕಮ್ ವರದಿಗಾರ್ತಿಯಾಗಿ ಸಂದರ್ಶನಗಳನ್ನ ಮಾಡಿದ್ದಾರೆ. ಟಿವಿ ತಾರೆಯರು, ರಿಯಾಲಿಟಿ ಶೋಗಳ ಸ್ಪರ್ಧಿಗಳ ಜೊತೆಗೆ ಚಿಟ್-ಚಾಟ್ಗಳನ್ನ ಮಾಡಿ, ವೀಕ್ಷಕರಿಗೆ ಮನರಂಜನೆ ಲೋಕದ ಸುದ್ದಿಗಳನ್ನ ವಿಶುವಲ್ ಮೂಲಕ ಕೌಶಲ್ಯಭರಿತವಾಗಿ ಪ್ರಸ್ತುತ ಪಡಿಸಿದ್ದಾರೆ. ಬರವಣಿಗೆಯ ಜೊತೆಗೆ ಸುದ್ದಿಗಳಿಗೆ ಹಿನ್ನಲೆ ಧ್ವನಿ ನೀಡುವುದರಲ್ಲೂ ಪರಿಣಿತರು.
ಸದ್ಯ ಮತ್ತಷ್ಟು ಕಲಿಕೆಯ ಆಸಕ್ತಿ, ಹಸಿವಿನೊಂದಿಗೆ ವಿಜಯ ಕರ್ನಾಟಕ ಡಿಜಿಟಲ್ನ ಭಾಗವಾಗಿದ್ದಾರೆ.… ಇನ್ನಷ್ಟು ಓದಿ
Leave a Reply