തിരുവനന്തപുരം ∙ മുഖ്യമന്ത്രി പങ്കെടുക്കുന്ന പൊതുപരിപാടികളിൽ സുരക്ഷ ശക്തമാക്കണമെന്നു ജില്ലാ പൊലീസ് മേധാവിമാർക്ക് ഇന്റലിജൻസ് എഡിജിപിയുടെ നിർദേശം. അനിയന്ത്രിതമായി ജനക്കൂട്ടം അദ്ദേഹത്തെ സമീപിക്കുകയും ശരീരത്തിൽ സ്പർശിക്കുന്ന വിധത്തിൽ അടുത്തിടപഴകുകയും ചെയ്യുന്ന സാഹചര്യത്തിൽ ജാഗ്രത വേണമെന്നാണു നിർദേശം. പൊതുപരിപാടികളിലും അദ്ദേഹം യാത്ര ചെയ്യുന്ന ഇടങ്ങളിലും യൂണിഫോം ഡ്യൂട്ടിയിലുള്ള പൊലീസുകാർക്കു പുറമേ മഫ്തിയിലും ഉദ്യോഗസ്ഥരെ നിയോഗിക്കണമെന്നും നിർദേശത്തിലുണ്ട്.
മുഖ്യമന്ത്രിക്കെതിരെ പ്രതിഷേധവുമായി പ്രതിപക്ഷകക്ഷികൾ കരിങ്കൊടി കാണിക്കുന്ന സാഹചര്യത്തിൽ, യാത്രയിൽ അദ്ദേഹത്തിന്റെ സുരക്ഷ ഉയർത്തണമെന്നും പൊലീസ് ചൂണ്ടിക്കാട്ടുന്നു. എന്നാൽ, തനിക്ക് പൈലറ്റ്, എസ്കോർട്ട് വാഹനങ്ങൾ മാത്രം മതിയെന്ന നിലപാടിലാണു മുഖ്യമന്ത്രി.
English Summary:
Kerala Chief Minister security has been enhanced following an Intelligence ADGP directive to district police chiefs due to public proximity and protests. This directive mandates increased police presence in uniform and plainclothes at public events and during the CM’s travel, amidst ongoing opposition demonstrations.
mo-news-common-latestnews 5us8tqa2nb7vtrak5adp6dt14p-list 40oksopiu7f7i7uq42v99dodk2-list mo-judiciary-lawndorder-keralapolice 24pdgkckbrcq7jgs9dfq3s4rqa mo-politics-leaders-vdsatheesan mo-news-common-keralanews
Leave a Reply